Өткен жылы QJ Лигасында ойнаған «Шахтер» жасөспірімдер ФК ойыншылары Мансур Дильмурат, Роман Асылбаев, Богдан Чернобук (команда капитаны), Ерлан Туткабаев командада қалып, ұжымның негізгі тірегі болды. Жаңа маусымда Михаил Мамонтов, Адильхан Каримов, Данил Шишканов, Роман Асылбаев сияқты ойыншыларға үлкен үміт артылады. Соңғы шекте команданың қақпасын өткен жылғы QJ League-да бай тәжірибесі бар Алибек Маратов қорғайды.
Команданың жаттықтырушылар құрамын ерекше атап өткен жөн. «Шахтер U18» командасының бас бапкері - бұрын «Шахтер» негізгі командасының намысын қорғаған белгілі футболшы Заяц Павел Степанович. Оған бұрынғы белгілі қазақстандық ойыншы Берик Темергалиевич Рахимбеков көмектеседі.
«Шахтер U17» командасының бас бапкері - бұрын «Шахтер» негізгі командасының намысын қорғаған белгілі футболшы Сергей Сергеевич Дубков. Оған Қарағанды футболының бұрынғы танымал ойыншысы Руслан Маратович Иманкулов көмектеседі.
Команданың өз алаңы - «Шахтер» стадионы (сыйымдылығы – 19000 адам).
«Шахтер» (Қарағанды) негізгі командасы Қазақстанның 2 дүркін чемпионы, Қазақстан Кубогының иегері, Қазақстан Суперкубогының жеңімпазы екені белгілі. Құрылған сәттен бастап Қазақстанның Жоғары лигасынан бірде-бір рет шықпаған жалғыз клуб. Еурокубоктардың топтық кезеңіне шыққан алғашқы қазақстандық команда. Елдегі ең көне футбол клубтарының бірі. «Шахтер (U17)» және «Шахтер (U18)» жасөспірімдер командалары негізгі команда болады және «Шахтёрге» бұрынғы даңқын қайтарады деп үміттенеміз.
Елимай
Шахтёр
Кайсар
