«Шахтердің» негізгі құрамында Игорь Шацкий (к), Александр Мигунов, Қасымжан Таипов, Нұрали Азатқазы, Данила Васильченко, Руслан Белобородый, Лев Скворцов, Андрей Ульшин, Мирас Көбеев, Диас Қалыбаев және Артём Литош алаңға шықты.
«Шахтер» Премьер-лигаға жолдаманы өткен турда қамтамасыз еткен болатын. Дегенмен команда Бірінші лиганың алтын медальдары үшін күресін жалғастыруда.
Ойынның 17-минутында Диас Қалыбаев айып алаңының сыртынан алыстан соққы жасап, қонақтар қақпашысын қапы қалдырды. Жоғары траекториямен ұшқан доп қақпаның сол жақ жоғарғы бұрышынан табылды - 1:0.
25-минутта Бірінші лиганың үздік сұрмергені Артём Литош кезекті голын соқты. Ал екінші таймның 49-минутында Артём тағы да мергендік танытып, чемпионаттағы голдарының санын 21-ге жеткізді.
71-минутта «кеншілер» жылдам қарсы шабуыл ұйымдастырып, оны Диас Қалыбаев нәтижелі аяқтады. Осылайша Диас дубль авторы атанды.
Қорытынды есеп — 4:0!
Бұл «Шахтердің» қатарынан 14-ші жеңісі. Қарағандылық клуб бір маусымда қатарынан ең көп жеңіске жету көрсеткіші бойынша Бірінші лиганың жаңа рекордын орнатты.
Шахтёр
Хан-Тәңірі
