Матчтың алғашқы минуттарынан алаңға Арслан Қуандықов, Мәди Құдайберген, Абылай Тоқтасын, Ярослав Туницкий (к), Айдар Қуанышбек, Амир Оспанов, Владислав Солошенко, Әли Садырбаев, Тимур Казанцев, Никита Духов және Артем Лящук шықты.
Бірінші тайм тартысты әрі тең дәрежеде өтті. Екі команда да қауіпті сәттер ұйымдастырғанымен, қақпашылар сенімді ойын көрсетіп, өз командаларын бірнеше рет құтқарып қалды. 25-минутта алаң иелері қарымта шабуылды сәтті пайдаланып, есеп ашты. Үзіліске дейін «кеншілер» таразы басын теңестіруге тырысқанымен, есеп өзгеріссіз қалды.
Екінші таймда қарағандылықтар қарқынын күшейтіп, шабуылға жиі шыға бастады. 47-минутта Тимур Казанцев жеке шеберлігін көрсетіп, бірнеше ойыншыны алдап өтіп, есепті теңестірді — 1:1.
57-минутта «Шахтер» қиын жағдайға тап болды: Айдар Қуанышбек екінші сары қағазын алып, алаңнан қуылды. Алайда сан жағынан аз қалғанына қарамастан, Рафаэль Хамидулловтың шәкірттері нағыз мінез көрсетіп, жеңіс үшін күресті жалғастырды.
Кездесудің шешуші сәті 80-минутта туды. Артем Лящук қарсылас қақпасына гол соғып, «Шахтерге» ерікті жеңіс сыйлады — 2:1.
Осылайша Рафаэль Хамидуллов шәкірттері QJ League турниріндегі қатарынан төртінші жеңісіне қол жеткізді.
Шахтёр
Экибастуз
