Кездесуді «кеншілер» сапында Арлан Қуандыков, Абылай Тоқтасын, Ярослав Туницкий (к), Айдар Қуанышбек, Амир Оспанов, Платон Шипицин, Владислав Солошенко, Али Садырбаев, Тимур Казанцев, Никита Духов және Альтаир Рапильбек бастады.
«Шахтер» ойынның алғашқы минуттарынан-ақ бастаманы өз қолына алып, қарсылас қақпасына бірнеше қауіпті шабуыл ұйымдастырды. 19-минутта есеп ашылды. Команда капитаны Ярослав Туницкий алаңның ортасынан ұзын пас бергеннен кейін Платон Шипицин допты қабылдап, қорғаушыны алдап өтіп, гол соқты.
25-минутта алаң иелері есепті теңестірді. Алайда осыдан кейін кездесуде тек «Шахтердің» ойыншылары мергендік танытты.
37-минутта «Шахтердің» ұзаққа созылған шабуылынан кейін Али Садырбаев Альтаир Рапильбектің нәтижелі пасын голға айналдырды.
71-минутта айып добын орындау кезінде Тимур Казанцевтің айып алаңына жасаған добынан кейін Платон Шипицин бәрінен шапшаң қимылдап, дубль рәсімдеді.
80-минутта Никита Духов чемпионаттағы кезекті голын соқты. Ол Тимур Казанцевтің қақпаға бағытталған тамаша пасын тиімді пайдаланып, командасының басымдығын арттырды.
Кездесудің соңғы есебін қосымша уақытта, 94-минутта, Данил Терентьев белгіледі.
Шахтёр
Астана Жастар
Ақтобе Жас
