— Есеп айырмасы ірі болғанына қарамастан, матч оңай өткен жоқ. Бірінші таймда ойлағанымыздың бәрі жүзеге аса қойған жоқ. Жігіттер шабуылдарды ұйымдастыру кезінде асығыстық танытып, орталық арқылы тікелей ойнауға көбірек ұмтылды. Алайда біздің матчқа арналған жоспарымыз басқаша болатын.
Үзілісте қажетті түзетулер енгіздік. Команда бапкерлер штабының ескертулеріне дұрыс жауап беріп, екінші таймда жоспарланған ойын үлгісін көрсете алды. Әрине, қарсылас құрамындағы ойыншының алаңнан қуылуы матчтың барысына белгілі бір дәрежеде әсер етіп, біздің міндетімізді жеңілдетті.
Жігіттерге жанкештілігі мен атқарған еңбегі үшін алғыс айтқым келеді. Чемпионаттағы екі апталық үзіліс кезінде команда өте қарқынды дайындалып, тактикалық, физикалық және функционалдық бағыттар бойынша үлкен жұмыс көлемін орындады. Сол еңбектің нәтижесін бүгінгі жеңістен көріп отырғанымыз қуантады.
Команданы жеңіспен құттықтаймыз және енді келесі матчқа дайындықты бастаймыз. Бізді әрдайым қолдап жүретін жанкүйерлерімізге ерекше алғысымды білдіремін. Сіздердің қолдауларыңыз бізге алға ұмтылуға күш береді.
Шахтёр
Жайық
