Матчтың алғашқы минуттарынан бастап «кеншілер» сапында Байжан Асхат, Меирлан Балтабаев, Данил Золкин, Жәнібек Жайлаубек, Кирилл Сатжанов, Дамир Юсупбеков, Расул Акимов (к), Артем Алексеев, Рустам Сайфимилюков, Дигдар Омаров және Илья Гезик алаңға шықты.
Есеп 35-минутта ашылды. Расул Акимов сол қаптал арқылы айып алаңына еніп, қарсылас қорғаушысының ереже бұзуынан кейін төреші пенальти белгіледі. Он бір метрлік айып добын капитанның өзі сәтті орындап, команданы алға шығарды — 1:0.
Екінші таймда алаң иелері шабуылды үдетіп, қонақтардың қақпасына жиі қауіп төндірді. Осы сәттерде «Шахтер» қақпашысы Байжан Асхат сенімді ойынымен командасын бірнеше рет құтқарып қалды.
Матчтың нүктесін 83-минутта Расул Акимов қойды. Қарсыластардың қарсылығына қарамастан, ол допты сақтап қалып, құлағаннан кейін қайта тұрып, допты қақпа торына дәл бағыттады. Осылайша, шабуылшы дубль авторы атанды — 2:0.
Бұл жеңістің арқасында «Шахтер» U-18 командасы QJ League турнирінде жеңіліссіз сериясын жалғастырып, турнирлік кестенің екінші орнына нық орнықты.
Шахтёр
Ақтобе Жас
